Financiación

Health In Code participa no proxecto ADPSLAB: Análise, deseño e prototipado dun sistema informático integrado para a automatización dos procesos dun laboratorio de análise xenético baseado en tecnoloxías de secuenciación SANGER e NGS.

O proxecto basease na identificación e captura de requirimentos, análise funcional, deseño técnico e implementación de diferentes módulos que conformarán o esqueleto dun futuro sistema integrado de xestión da información, dos fluxos, dos procesos e dos controis de calidade, dun laboratorio de secuenciación xenética, e orientado ao diagnóstico clínico. Os requirimentos de trazabilidade, seguridade, reproducibilidade, e control de calidade deben ter as máis altas esixencias técnicas, así como os requirimentos de optimización de custes e tempos, xa que a orientación do proxecto é para laboratorios de diagnose clínica cunha alta produción e non para centros de investigación.

Este produto partirá dos coñecementos actuais do estado do arte dentro dos sistemas informáticos denominados como LIMs (en inglés: Laboratoy Information Management Systems, ou sistema de xestión da información de laboratorio), e do coñecemento do equipamento, técnicas e métodos de análise xenética orientada ao diagnóstico clínico, para construír un novo modelo de sistema, sistema diferente, innovador e capaz de dar soporte as novas necesidades e o novo paradigma de este tipo de laboratorios.

O sistema deberá soportar as dúas técnicas que actualmente están copando o mercado de secuenciación xenética, a secuenciación SANGER, que está a ser substituída rapidamente pola secuenciación de Nova Xeración ou NGS, e esta última.

Proxecto subvencionado de acordo coa resolución do 10 de outubro de 2014 pola que se adxudican as axudas ás solicitudes que figuran como suplentes, na resolución do 27 de xuño de 2014 pola que se conceden as subvencións para fomentar a cooperación público-privada a través de proxectos de investigación e desenvolvemento, reguladas na Resolución do 30 de decembro de 2013 pola que se establecen as bases reguladoras para a concesión, en réxime de concorrencia competitiva, das axudas do programa Conecta peme para fomentar a cooperación público-privada a través de proxectos de investigación e desenvolvemento en cooperación entre pemes en áreas estratéxicas para a Comunidade Autónoma de Galicia, cofinanciadas polo Fondo Europeo de Desenvolvemento Rexional (Feder) no marco do programa operativo Feder Galicia 2007- 2013, e procédese á súa convocatoria para o ano 2014 (código de procedemento IN852A).

Subvención concedida al consorcio: 393.670,66 € (Código de proxecto: IN852A 2014/9).